Топтық тасымалдау

Топтық брондауға өтінім беру/қарау ресімі

1. Топтық тасымалдауға өтінім берген кезде қатысушылардың санын, жолаушылардың жас санаттарын (балалар, ересектер, 2 жасқа дейінгі сәбилер),бағдарын, ұшу күндерін, жауапты адамның байланыс деректерін көрсету қажет. Еркін нысандағы өтінім мына мекенжайға жіберіледі GROUPDV@SCAT.KZ
2. Топтық брондауға өтінімді қарау оны берген сәттен бастап 10 жұмыс күні ішінде жүзеге асырылады. Егер топ қатысушыларының саны рейстегі бос орындар санынан асып кетсе және/немесе жолаушылардың осы тобын тасымалдау экономикалық жағынан тиімсіз болса, әуекомпания топтық тасымалдаудан бас тартуға құқылы.
3. Әуекомпания ұсынған бағаның әрекет ету мерзімі, топтық тасымалдау шарттарының қолданылу мерзімі-3 жұмыс күні. Егер тапсырыс беруші ұсынылған шарттармен келіспесе, әуекомпания осы өтінімнің күшін жоюға құқылы. Жоғарыда көрсетілген мерзім өткеннен кейін әуекомпанияға қайта жүгінген кезде жаңа өтінім жасау қажет.
4. Топтық тасымалдауды брондауды тапсырыс беруші әуекомпанияның меншікті агенттігіне жүгіну жолымен (егер өзгесі ескертілмесе) жүзеге асырады.
5. Егер тапсырыс беруші әуекомпаниямен Агенттік келісімі бар туристік агенттік болып табылса, онда билеттерді брондау және жазып беру осы агенттіктің меншікті пульті арқылы дербес жүзеге асырылады.
6. Тапсырыс беруші топ қатысушыларының тізімін және құжаттардың көшірмелерін (паспорт, жеке куәлік, туу туралы куәлік ) және басқа да қажетті ақпаратты Агенттікке не әуекомпанияға ұсынуға жауапты болады.
7. Тапсырыс беруші тасымалдау шарттарын өзгерткен жағдайда (ұшып шығу/ұшып келу күндері, топ қатысушыларының саны, жолаушылардың жас санаты өзгерген), әуекомпания баға ұсынысын қайта қарау құқығын өзіне қалдырады.