SCAT | Бағыттар

Санкт-Петербург туристер үшін нағыз жұмақ болып саналады, оның тарихи орталығы толығымен ЮНЕСКО-ның Бүкіләлемдік мұралар тізіміне енгізілген. Петербург – бұл Рим, Париж немесе Венеция сияқты әлемдік мәдениеттің қазынасы... Петербургті «Солтүстік Венеция» деп те атайды, өйткені қала өзендермен, арналармен және ағыстармен бөлінген 42 аралда орналасқан.

Петербургте 580-ге жуық көпір бар, оның 20-сы ашылып-жабылатын көпірлер. Әлемде осыншалық көптеген ескерткіштерімен және музейлерімен мақтана алатын қала саны өте аз.

Ақ түндер, ашылып-жабылатын көпірлер, бірегей қондырғылар, таңғажайып саябақ аймақтары, бақтар, сәулет ескерткіштері және мүлдем қайталанбас атмосфера – барлығы мәдени астана атағын толық иеленетін бір қалада үйлесім тапқан. Мұның бәрі – Санкт-Петербург, нағыз өнер туындысы болып табылатын қала.

Танымал орындар

Александр саябағында серуендеңіз.

Петропавл бекінісінің жанында қаланың ең көне саябақтарының бірі — Александров саябағы орналасқан. Мұнда тыныштық пен сұлулық үшін келуге болады. Сіз жай ғана орындықта кітап оқып отыра аласыз, әсем көпірді бойлап серуендей аласыз, көптеген гүл көшеттерін тамашалай аласыз. Сондай-ақ мұнда Санкт-Петербургтің қоладан жасалған шағын көрікті жерлерінің коллекциясы бар.

Нева даңғылында жолкөрсеткіш сатып алыңыз.

Санкт-Петербургтің негізгі және әйгілі көшесі — Нева даңғылы, осы аудан аумағында қаланың барлық негізгі көрікті жерлері орналасқан. Даңғыл Сарай алаңынан басталып, Александр Невский алаңымен аяқталады. «Нева даңғылы» метросының жанында «Зингер» компаниясының ғимараты орналасқан, мұнда кітап дүкені ыңғайлы жайғасқан. Мұнда көркем әдебиеттен басқа, қалаға алғаш келген әрбір адамға қажет Питер бойынша жолкөрсеткіштер сатып алуға болады.

Эрмитажға билет сатып алыңыз.

Ия, бір күнде, әрине, Эрмитажды аралап шыға алмайсыз, бірақ бұл оған мүлдем барудың қажеті жоқ дегенді білдірмейді. Бейнелеу және сәндік-қолданбалы өнер музейінде сіз ІІ Екатеринаның өзі сатып алған коллекцияны тамашалай аласыз. Алуан түрлі экспозицияларды көруден басқа, Эрмитажды аралау сізге Қысқы сарай, Қысқы сарайдың қосалқы үйі және т.б. тарихи ғимараттарды аралауға мүмкіндік береді.