SCAT | Бағыттар

Ежелгі пенджаби мақалы: «Лахорды көрмеген адам дүниеге келмегенмен тең» дейді. Мәлімдемені қанша жоққа шығарсақ та, онда шындықтың үлесі бар. Пәкістан туралы шаблондар мен біздің идеяларымыз Лахорға келген алғашқы минуттардан-ақ екі жарылады. Жергілікті тұрғындардың мейірімділігі мен ашықтығы, көмектесуге және айтып жіберуге, дәмді тамақтандыруға және қаланың тарихы туралы айтып беруге дайын тұратындықтары – лахорлықтардың шынайы қонақжайлылығын білдіреді.

Бірегей мәдениет мен дәстүр тепе-тең керемет қосылған. Және басқаша болуы мүмкін емес еді. Ғалымдар Лахордың пайда болуын біздің дәуіріміздің II ғасырына жатқызады. Моғол әулеті бұл қаланың ежелгі дәуіріне үлкен құрметпен қараған. Рас, бұл олардың XVI ғасырдың басында оны жаулап алуына және жер бетінен жоймай немесе сырып тастамай, өздерінің резиденцияларының біріне айналдыруларына, керісінше, өзіңдікін жасауға кедергі болмады.

Кейін сикхтер, олардың артынша Британ империясы болды. Бүгінгі таңда Лахор – бұл Моғол мұсылман тармағының, көркем сикх сәулетшілерінің және Виктория дәуіріндегі британдық сәулетшілердің архитектурасының тоғысуы. Үндістанның жақындығына қарамастан, Оңтүстік Азия аймағын білетін саяхатшылар қалада тәртіпсіз көше қозғалысын, көптеген қайыршылар мен қаңғыбастарды, кір мен антисанитарияны, көшеде жүрген сиырларды кездестірмейді.

Бұл қала – өзі тарих.

Танымал орындар

Кешкі ас үшін сайма-сай кафе табыңыз.

Мұны істеу қиын емес - Лахорда тіпті басқа атауы жоқ, тек тамақ көшесі бар. Көше сатушыларынан тағамдарды еш уайымдамай ала аласыз немесе үйлердің төбесінде орналасқан мейрамханаларға бара аласыз – әрқайсында өзіндік ерекше шолу алаңдары бар. Пәкістан тағамдарын еш қорықпай жеп көріңіз, егер әрине, сіз ащы тағамды ұнатсаңыз. Дәм татуға тұрарлықтары: ласси – ұлттық ашытылған сүт сусыны және жинақта бірнеше түрлі пудингтер, тикка бирияни – палауға ұқсайтын тағам, атауында «масала» сөзі бар барлық тағамдар, сондай-ақ әртүрлі кебабтар мен грильдегі ет.

Ескі қалаға бару.

Оның аумағы 256 гектарды алып жатыр, ал халқы 200 000 адамды құрайды. Осы уақытқа дейін бекініске кіреберіс ретінде қызмет еткен 13 ежелгі қақпа сақталған. Ескі қаланың орталық бөлігінің шатасқан және көркем көшелері салынғаннан бері өзгеріссіз қалған. Олардың кейбіреулерінің ені бір метрге әрең жетеді. Жергілікті тұрғындар кірпіштен жасалған қасбеттері, тегіс шатырлары және ағаш оюлармен безендірілген балкондары бар екі қабатты немесе үш қабатты үйлерде тұрады.

Әйгілі Лахор бекінісіне барыңыз.

Ол XII ғасырдың соңында патша резиденциясы ретінде салынған. Бекініс жиі және бірнеше рет құлаған, өйткені Персия, Үндістан және Тибет арасындағы жолдардың қиылысында орналасқандықтан ол әрдайым шетелдік жаулап алушылардың назарын өзіне аударатын. Қазіргі Лахор бекінісі император Акбардың бастамасымен қызыл құмтас пен күйдірілген кірпіштен тұрғызылған. Бекініс қабырғаларының ішіне Аламгирдің салтанатты алдыңғы қақпасы кіреді, оның артында моңғол сәулетінің жауһарлары, оның ішінде Інжу мешіті мен Айна сарайы бар. Барлық ғимараттар мозаикамен, әйнекпен және мәрмәр оюларымен безендірілген.