Жолаушылардың құқықтары
Құрметті жолаушылар!
Тасымалдаушының кінәсінен немесе әуе кемесінің кеш келуі салдарынан рейстің ұшуы кешіктірілген немесе болдырылмаған жағдайда, «Қазақстан Республикасының әуе кеңістігін пайдалану және авиация қызметі туралы» Қазақстан Республикасының Заңына сәйкес Сіз келесі:
- ұшып шығу әуежайында (бар болса) жеті жасқа дейінгі баласы бар ана мен бала бөлмесін пайдалану;
- рейстің жөнелтілуін екі сағаттан артық күткен кезде ұзақтығы бес минуттан аспайтын, оның ішінде халықаралық байланыс желілері бойынша екі телефон қоңырауын шалу немесе электрондық пошта арқылы екі хабарлама жіберу;
- рейстің ұшуын екі сағаттан артық күткен кезде салқындататын сусындар алу;
- рейстің жөнелтілуін күту төрт сағаттан асса және әрі қарай:
- әр алты сағат сайын – күндізгі уақытта;
- әр сегіз сағат сайын – түнгі уақытта ыстық тамақпен қамтамасыз ету.
- рейстің жөнелтілуін күту сегіз сағаттан асса, тасымалдаушы ұсынған күндізгі уақытта және алты сағаттан астам асса түнгі уақытта қонақ үйге орналасу;
- қонақ үй қосымша ақысы алынбай берілетін жағдайда тасымалдаушы ұсынған әуежайдан қонақ үйге дейін және кері көлікпен жеткізу қызметтерін пайдалануға құқығыңыз бар.
Бұл қызметтерді Авиакомпания қосымша ақы алмай ұсынады.
Рейстің мәртебесі өзгерген кезде тасымалдаушы мұндай өзгеріс туралы білген бойда жолаушыны ұялы байланыстың абоненттік нөмірі және билетті сатып алу кезінде көрсетілген электрондық пошта мекенжайы бойынша, сондай-ақ әуежайда:
- рейс мәртебесінің және ұшудың жаңа уақытының өзгеру себептері және (немесе) жаңа маршрут туралы;
- Егер өзгеріс тасымалдаушының кінәсінен немесе осы тармақтың бірінші бөлігіне сәйкес әуе кемесінің кеш келуі салдарынан болған жағдайда, рейс мәртебесінің өзгеруіне байланысты тасымалдаушы ұсынатын қызметтердің тізбесі туралы хабарлайды.
Тасымалдаушының кінәсінен немесе әуе кемесінің бес сағаттан артық мерзімге кеш келуі салдарынан рейстің ұшуы кешіктірілген немесе болдырылмаған кезде сіздің таңдауыңыз бойынша:
- жоғарыда көрсетілген қызметтерді ұсына отырып, билетте көрсетілген межелі пунктке дейін жақын арадағы рейспен тасымалдау;
- билеттің толық құнын қайтару жүзеге асырылуы мүмкін.
Рейстің ұшып шығуы кідіртілген кезде, егер рейстің ұшып шығуы еңсерілмейтін күштің салдарынан болған жағдайларды қоспағанда, әрбір кешігу сағаты үшін тариф (кешіктірілген ұшу учаскесінің тарифі) құнының 3% мөлшерінде айыппұл төлеу түрінде өтемақы алуға құқығыңыз бар.
Айыппұл сомасы сатып алынған тарифтің (мерзімі өткен ұшу учаскесінің тарифі) құнынан аспауға тиіс.
Сізге рейстің ұшуы кешіктірілгені үшін айыппұл төлеу үшін Сіз Авиакомпанияның мекенжайына интернет-ресурс немесе Авиакомпания билеттерін сату пункттері арқылы жазбаша өтінішпен (оған қажетті құжаттарды қоса бере отырып) жүгінуіңіз қажет.
Сондай-ақ, ұшып шығу әуежайының қолайсыз метеожағдайлары салдарынан және/немесе ұшып шығу әуежайының кінәсінен туындаған, әуежайлардың жабылуы, литерлік рейстердің келуін/ұшуын күту Авиакомпанияның кінәсі болып табылмайтындығы туралы хабарлаймыз.
Рейс уақыты өзгеру бойынша сұраныс жіберу