SCAT | SCAT әуекомпаниясының бағыттары: жаңа мүмкіндіктерге ұмтылыңыз

Ол өзіндік энергетикасы бар қала, қарама-қайшылықтарға толы және ежелгі өркениет мекені. У-шуы басылмайтын көшелер мен тарихи ескерткіштер қатар орналасқан, ал заманауи өмір ырғағы мыңжылдық дәстүрлермен үйлеседі. Бұл жерде фараондардың құпияларына үңіліп, Салах ад-Дин цитаделінен мегаполис келбетін тамашалап, Мысыр тағамынан дәм татуға болады. 2025 жылғы 29 мамырдан бастап SCAT әуекомпаниясы«Шымкент – Каир» бағыты бойынша тікелей рейстерін ашады.

«Шымкент – Каир» тікелей рейстері аптасына екі рет - дүйсенбі және сәрсенбі күндері орындалады.

Ұшу қзақтығы - 6 сағат 30 минут, ал билет бағасы 98 790 KZT. басталады.

Өзіңізге ыңғайлы күнді, рейсті таңдау үшін арнайы кестені қараңыз.

«Шымкент – Каир» бағытына билеттерді scat.kz сайтында, мобильді қосымшасында немесе SCAT әуекомпаниясының өкілдігінен онлайн сатып алуға болады. Онлайн тіркеу ұшуға 24 сағат қалғанда ашылады, бұл әуежайдағы уақытыңызды үнемдейді.

Неліктен SCAT-ты таңдау керек?

Үлкен қалалармен ыңғайлы түйісетін тікелей рейстер
Заманауи ұшақтар, тиімді тарифтер және ыңғайлы кесте
Тарифке байланысты жүк тегін тасымалданады

Маңызды ақпарат! Қазақстан азаматтары туристік визаны Каир әуежайына түскенде рәсімдей алады. Оның құны - 25 АҚШ доллары, ал рәсімдеу небәрі бірнеше минутыңызды алады. Каирде саяхаттауға(тиісті мерзімге) міндетті түрде тіркеуден өтуіңіз қажет.

Ежелгі Мысырға жайлы саяхаттаңыз! Билеттеріңізді бүгіннен броньдап, SCAT әуекомпаниясымен бірге қызықты сапарға шығыңыз!

Танымал орындар

Ибн Тулун мешіті

ІХ ғасырда салынған бұл мешіт - Мысырдағы ең көне, әрі ең үлкен мешіттердің бірі. Оның сәулеті минимализммен және қатаң сызықтарымен ерекшеленеді, ішкі кең ауласы тыныштыққа тұнған. Әшекей-өрнектердің тым аздығының өзі мешітке ерекше сипат беріп тұр. Минареттен қала керемет көрінеді, әсіресе күн батар шақта өте әдемі.

Барон Импей сарайы

Каирдегі нағыз архитектуралық жұмбақ жер. XX ғасырдың басында бельгиялық кәсіпкер салған бұл сарайдың индуистік храм мен еуропалық қамалдардың стиліне қарап жобаланғаны байқалады. Сарайдың ішкі залдары түрлі мүсіндермен безендірілген. Жерасты өткелдері мен тылсым құбылыстар жайлы аңыздар тарих пен құпияға қызығушыларды бірден тартады.

Гезира аралы және Каир мұнарасы

Гезира аралы - қаланың қақ ортасында орналасқан, жасыл желекпен көмкерілген тып-тыныш мекен. Мұнда саябақтар, мұражайлар және мәдени орталықтар баршылық. Аралдың ең көрікті орны - биіктігі 187 метрлік Каир мұнарасы. Оның бақылау алаңынан Ніл өзені мен қаланың керемет келбеті анық көрінеді, ал бұлтсыз күндері көкжиектегі пирамидаларды да көруге болады. Аралдың төменгі бөлігінде жайлы кафелер, жағалауда серуен аймағы бар.

Бағыттар

Неліктен SCAT-ты таңдау керек?