Ағымдағы аптада Қытай Халық Республикасы, Шаньси ровинциясының Сиань қаласында орын алған ауқымды Жібек жолы көрмесі өз мәресіне жетті. Аталған шараның құрметті қонақтары Қазақстан Республикасы мен Оңтүстік Корея болды. Біздің еліміз ақ киіз үй мен қызыл шаңырақ үлгісінде бейне тапқан үлкен павильонда ұсынылды, онда еліміздің ең ірі компаниялары өз өнімдері мен қызметтерін көрме қатысушыларына паш етті. Отандық делегациясының толық құрамы SCAT әуекомпаниясының Алматы-Сиань тікелей рейсімен тасымалданды. Көрмедегі ең маңызды жәдігерлердің бірі, сөзсіз, 2017 жылы  Астана қаласында өткізілетін «Болашақ қуаты» көрмесі болды. Көрмеге келушілердің аса қызығушылығын еліміздің ұлттық аспаптар орекстрі мен павильонға шақырушы қыздарымыздың ұлттық киімдері тудырды.

Көрме шеңберінде Қазақстан Республикасы мен ҚХР өзара серіктестігіне арналған іс-шаралар қатары орын алды. Ерекше көңіл Қазақстан мен Шаньси провинциясының арасындағы туризм мен сауда-саттық саласындағы серіктестігіне арналған конференцияға аударылды, аталған конференцияда Қазақстандық туристтік операторлар еліміздің аймақтарын таныстырып, олардың потенциалы мен туристтік мүмкіндіктерін ашып көрсетті.

Қазақстанның, КХР мен Оңтүстік Кореяның өнер майталмандары өз өнерлерін көрсеткен құрметті қатысушылардың мерекелік концерті көрменің шарықтауына айналды. Біздің елімізді ұлттық аспаптардың қайталанбас оркестрі мен біздің ұлттық композицияларымызды асқан шеберлікпен орындаған Қазақстанның халық әртісі, Мақпал Жүнісова ұсынды.

Сиань қаласында өткізілген барлық іс-шаралар аталған елдер арасындағы қарым-қатынастың және аймақаралық әуе бағыттарының маңыздылығын көрсетіп өтті. Біздің әуекомпаниямыз Алматы-Сиань бағытындағы тікелей рейсінің Қазақстан мен Шаньси провинциясы арасындағы туризм мен сауда-саттық қатынастардың дамуында өте маңызды байланыстырушы  буынға айналатындығына сенімді.